Denne nettsiden er designet for bruk med moderne nettlesere.
Vi har oppdaget at du bruker en nettleser som ikke er støttet og vil sannsynligvis oppleve feil under besøket.
Vennligst oppgrader til en moderne nettleser som f.eks. Chrome,
Firefox
eller Microsoft Edge.
Du har 2.000,- igjen til fri frakt (NB! Gjelder ikke større maskiner)
Om oss
Årdal Landbruk og Møgedal Mek. Verkstad gjekk saman i 2020 for å stå sterkare i ein stadig tøffare marknad. No samlar dei seg også under nytt namn og profil.
- For oss var det naturleg å stå samla under eitt felles namn vidare, og det var naturleg at det blei Autagro som ein samlande paraply, fortel dagleg leiar i Årdal Landbruk, Stian Vadla.
Vidare fortel Vadla at det no også blir jobba med å presentere nye nettsider med integrert nettbutikk. Målet er å posisjonere seg i fleire marknadar.
– Me ynskjer å styrke oss i marknaden også når det gjeld nettbutikk, og ikkje minst vere konkurransedyktige på pris, fortel han.
Dagleg leiar i Møgedal Mek. Verkstad, Leif Bakka, ser positivt på namneendringa, og meiner det vil styrke begge lokasjonene i selskapet.
– Me slo oss saman for å ein sterkare regional aktør med to salsdistrikt som ligg vegg i vegg. Dette namnebytet vil styrke arbeidet vårt og gi oss ein tydelegare profil, seier han.
Begge bedriftene er nå godt i gang som forhandlar for Norwegian Agro og traktormerket Claas. Dei første traktorane er alt selde, og interessa for merket viser seg å vere god.
– Både gjennom traktortester i landbruksmedia, tilbakemeldingar frå kunder og det me har sett og hørt om eksempelvis graslinja, så står Claas høgt. Det virkar skikkeleg, og Norwegian Agro virkar til å vere ein organisasjon som ser bonden og tar kundane på alvor. Det er tillitsvekkande, og det gjer at me har lyst til å vere med på deira reise, seier Vadla.
Samarbeidet mellom dei to bedriftene går langt tilbake i tid. Geir Bakka overtok Møgedal Mekaniske Verkstad frå Knut og Asbjørn Møgedal i 2004, og i 2010 kom også brørne til Geir, Werner og Leif Bakka inn på eigarsida. Møgedal Mekaniske Verkstad starta opp i 1973 og fekk etter kvart ei avdeling i Årdal, som var grunnlaget for det som på 1990-talet vart Årdal Landbruk. Dermed er ringen på mange måtar slutta no.
Om Møgedal Mek. Verkstad
Møgedal Mekaniske Verkstad vart starta av brødrane Knut og Asbjørn Møgedal i mai 1973. I 1985 flytta verksemda inn i nye lokalar ved Bergekrossen. I 2004 vart firma seld til Geir Bakka, som har arbeidd i firmaet sidan 1980. I 2010 kom også brødrane til Geir, Werner og Leif Bakka inn på eigarsida. Firmaet har ved fleire høve blitt kåra til Årets forhandlar, og mottok i 2001 prisen for Årets Suldalsbedrift. I november 2020 kjøpte Årdal Landbruk aksjane i Møgedal Mek. Verkstad, dermed har dei to bedriftene samla seg for å stå sterkare i ein tøff marknad.
Om Årdal Landbruk
Årdal Landbruk starta som ei avdeling av Møgedal Mekaniske Verkstad heilt i byrjinga av 90-tallet. Etter ein kort tid ble eigarskapet lokalt, og Årdal Landbruk AS ble stiftet som eige selskap i desember 1993. Når Årdal Landbruk i 2020 kjøpte aksjane i Møgedal Mek. Verkstad blei på mange måtar ringen slutta. Som ein betydeleg leverandør av utstyr og maskiner til landbruket i Ryfylke skal selskapa også i fortsettinga yte service frå øvste hylle, og levere riktige produkt for dekke behova til alle dei flinke bøndene som driver jordbruk i regionen.
Om Torland Maskin
Autagro Holding kjøpte i 2023 opp Torland Maskin AS på Nærbø.
Torland Maskin ble stiftet i 2006 og har siden den tid drevet på med salg og verkstedtjenester i landbruket på Jæren.